უკვე ოფიციალურად: ალეგრი წავიდა

მორჩა, მასიმილიანო ალეგრიმ იუვენტუსი დატოვა. ეს უკვე გადაწყვეტილია, კლუბმაც დაადასტურა ოფიციალურ საიტზე.

გუშინწინ გაჩნდა ინფორმაცია, რომ ალეგრი გუნდში რჩებოდა, თუმცა მას შემდეგ იუვეს პრეზიდენტ ანდრეა ანიელისთან ჰქონდა შეხვედრა და გადაწყდა: ბებერ ქალბატონს ახალი მწვრთნელი ეყოლება. თუ ვინ, ეს ჯერ უცნობია.

 

ალეგრიმ 5 წელი იმუშავა იუვენტუსში და 5–ჯერ მოიგო სკუდეტო, 4–ჯერ კი იტალიის თასი. ასევე, ორჯერ მიაღწია ჩემპიონთა ლიგის ფინალამდე.