მსოფლიო თამაშების 4 ლიცენზია

წლის მნიშვნელოვან შეჯიბრებას სან დიეგო უმასპინძლებს

რიო დე ჟანეიროში გამართულ მსოფლიო სერიის რიგით მეორე ტურნირზე ქვიშის ჭიდაობაში, რომელიც იყო სან დიეგოს (აშშ) ქვიშის მსოფლიო თამაშების მეორე სალიცენზიო ტურნირი, საქართველოს ნაკრებმა 4 ოქროს მედალი მოიპოვა.
 

ქართველი ფალავნების წარმატებული ასპარეზობის შედეგად, ქვიშის პირველ მსოფლიო თამაშებზე 4 ლიცენზიანტი გვეყოლება - ლევან ქელეხსაშვილი (70 კგ), დავით ხუციშვილი (80 კგ), დავით მარსაგიშვილი (90 კგ) და მამუკა კორძაია (+90 კგ) .

 

ამ ინფორმაციის დამადასტურებელი ოფიციალური დოკუმენტი საქართველოს ეროვნულმა ოლიმპიურმა კომიტეტმა ეოკ-ების ასოციაციისგან (ANOC) მიიღო. 

წლის მნიშვნელოვან შეჯიბრებას - ქვიშის პირველ მსოფლიო თამაშებს, რომელიც ეროვნული ოლიმპიური კომიტეტების ასოციაციის ეგიდით ტარდება, 12-13 ოქტომბერს სან დიეგო უმასპინძლებს.